Ghe vol trovar el bandolo dela matassa. Tre anni fa, dopo diversi giorni, lo go troya in uficio dove che gavevo 'n'altra situazion, indipendente, e xe nato «L'atestato de feragosto». Stavolta no posso spetar tanto; ,devo profitar e regalarve 'na meza giornata de ferie che me vanza ancora, prima che i me ciapi nel giro del lavoro e dele gare de tiro che tanti no poi capir come che un se trova dentro fin ai oci. «Parchè no ti scrivi più? — me diseva Dino Bacin, una domenica de 'sto marzo che lo go ritrovado per combinazion sula passegiata de Nervi — Si, ti 'ga .sempre de dir corni de Vigevano, come che mi gavaria de dirghene de Genova, ma me piasi come ti scrivi il dialeto». Xe el tempo, caro mio, che me manca; altrimenti podessi far anche mi tanti bozeti che i ,saria più istriani cussì scriti in vernacolo; tanto se 1i legemo solo noi; quei dela cicara» no capita mai niente dele nostre storie. Xe el tempo... 'St'inverno pasa', ala mostra de Gigi' Vidris a Milano, ed professor Orsi se meravigliava che me scampa de far anche qualche partida de biliardo. Questo sucede tanto per distender i nervi; ma mi no posso spetar 'st'inverno per scriver qualcossa de 'ste mie ferie a Pola. E no posso nianche liberarme dela mia attivita sportive: a Vigevano, per mi, l'unica. roba che va ben xe da mia società, perchè la funziona come che voio mi, con l'aprovazion de tuti quei che me vien drio; come la Francia de De Gaul! Ieri son rivado de Monfalcon dove che gavemo parenti e no se pol far de meno de fermarse. Son passà de .svolo anche a Gorizia per saludar 'sta famea de vagabondi de «L'Arena: no go trovà nissun! Do mule in redazion... altri tempi... A Vigevano go trovado subito de far. Piutosto che niente go dovù' imbastir versi per el Presidente dela Federazian. Ghe go dado una volta el licheto e sempre el se ricorda de mi quando che no'l sa come cavarsela con altri «poeti» che ghe scrivi. Me piase contentarlo; el me ga fato cavalier; sicome uficial iero za de prima, chissa che no ghe salti de farme anche comendator; tanto mi resterò sempre in braghe de tela unra. Stamatina, ancora in leto, stago zercando el bàndolo, come che go dito. Mia moglie xe 'ndada a comprar el late e magari anca el pan. Ostrega, come che la fa lunga. Tuti podarè capir fina un certo punto; ma ,ghe xe de più: Xe quindese giorni che no la legi la Gazeta delo Sport... Cossa?!... Che novità.?! Si, si; proprio la Gazeta delo Sport;... El tiro? N000! El tiro non centra. La question xe che el nostro Franco xe partido ieri per Amsterdam ale gare de canotagio. Componente de lotto f. s. campione italiano seniores l'anno scorso, adesso el rema in un «quatro» dele .Fiame Giade» de Sabaudia sognando de darghe la bira a tuti per cocarse un posto per Cita del Mesico. A suo tempo el xe stado anche ,giovane campion cola .pistola, cussì come la Nives con la carabina. Braghe de tela si', ma tuti sportivi a casa mia; anche la più picia ga za vinto una gara col'aria compressa tra i ragazzi milanesi; e magari tardi, cola vista che fa batiste, ma cal cuor che no bati più per l'emozion, ghe ne .go vinta finalmente una anca mi. Fin che xe vita xe speransa, ma con mezo secolo sula goba, passar classe vol dir adio medaie. Sona el campanel. — Chi e? — Luce!. Me toca meterme in furia de braghe. Ponca miseria! 'Sto qua no volara miga soldi! Semo suti, pena tornadi. No i podaria almeno 'spetar che vado a ciapar da pagà? Go in verità ancora un par de biglietoni; ma quei no se toca; quei xe sacri; xe un resto del magro indenizo dela casa che tegno in portafoglio come una reliquia. In tuto go ciapado de comprar qualche vestido e 'iutar mio fio i primi mesi de militar. Meno mal che l'eletricista gaveva solo de leger i numeri. Torna, coi giornai, la mama del vogador e alora podaremo bever cafe. Meno mal che i ga scrito qualcosa; altrimenti 'sta Gazeta no la val proprio niente, come el telegiornale-sport che no parla quasi mai de canotagio. Ghe xe dei comenti sul ,dissesto ,dela Federazion, roba che noi za savemo per boca de nostro fio; per mi el difeto xe sempre nal manigo. Comunque vedaremo domenica; e se Amsterdam xe tropo lontan, dl prossimo mese all' Idroscalo de Milan veda remo ancora meo. Molaremo tuto el resto perché xe da anni .che 'spetetmo 'sta ocasion. Tra 'na roba e l'altra vien anche mezogiorno. 'Sto bandolo no se trova. Magno e fazo 'però in tempo a meterme in poltrona, coi oci seradi per finta, che me capita due- mia parte; anche questo xe 'sai bel. La seconda nipotine-due con annessi ,genitori e ascendenti de l'altro latere. Adio pace! Do volte nono, fazo la ga fato un anno mentre ierimo a Pola. La prima (3 anni) trova de dir che son Idiventà più Bianco de cavei. Grave el Piave! Ciò! Me disi tuti che son giovine... come nono. Mah, penso, 'sera ed contrasto cola facia brusada dal sal; e poi, d'estate diventavo sempre un poco più ciaro; e poi go aricara da testa piena de sal; un po' de sal in zuca fa .sempre ben. Me la lavarò doman; prima devo trovar el bandalo. Me sgancia e me rifugio in segreteria del Tiro; no fazo in tempo a passar la porta che 'l paron de casa me taca un bel boton e de drio capita anca ,su' mare; come al solito la me dise che gente come mi xe l'onor dela ,Cità Mi ghe rispondo che la crica comunal no xe de 'sta opinion. Per forza —1a continua — non ce n'e uno che ,sia vigevanese; io — la insisti — ,sono una vera vigevanese, e lei (saria mi) anche vigevanese». «No, no —ghe digo — anche mi son foresto; xe solo venti anni che son qua». «Ah, non é vigevanese? — la insisti — ma alora di dove e lei?» «Di Pola, signora, oltre il confine di Trieste». E ela: «Davvero! Ma allora più onore ancora! Un vero patriota che vuole ancora bene all' Italia come stato sempre per ,noi piu vecchi. La gioventù di oggi vale poco. Ora ho capito: lei e ancora meglio di un vigevanese! Eppoi — la ribati —lei è sempre un bel giovanotto!» Diavolo de vecia! Ghe ne xe poche in giro con questi sentimenti. Coi anni che la ga, se podaria farghene quatro do quele che digo mi e scometo che nissuna me fa-più 'sti complimenti'. Tuto xe relativo, come che diseva Einstein. Me sero dentro; no fa caldo; me assicuro un bigolo de aria dala finestra; acendo la Luce e veto i mezi ociai; meto 1a carta in machina; molo un boton sula panza che ga ancora de digerir; un portacenere xe pronto; fora le... i spagnaleti e subito uno in boca per trovar ispirazion, per trovar 'sto bandolo. Maledeti acendini; no i se impiza mai quando che ocori; arremengo!» Meno mal che el segretario previdente ga Lassa' meza scatola de forminanti in un cassetin. Anche l'oste de la Gostiona Morava dela Nova Veruda, qualche giorno prima, me ga socorso cola stessa previdenza. Poi el me ga fato veder una vetrineta con ventiquatro acendini che no funziona; el ghe la mostra a tuti quei che se iludi ancora come mi. Finalmente scrivo: la data, un titolo; xe za qualcossa; vol dir che el bandolo lo troveremo per strada, e patto come che gavè visto. No go scrito ancora quatro righe che bati la porta; xe uno che lo ga manda' un altro che no vol restar più socio. Ghe spiego cola bona maniera cos'che' ga de far e cussì el va presto via contento. Contento anca mi che posso andar avanti... Illusione! Ariva Carughi che figura come Diretor de tiro; el ga bisogno de un certificado de ,portar in Questura per meterse in regola col porto d'arma; el ga incarichi 'sai delicadi come dotor in fissica nucleare. (lora ancora inverno che me se ga fermado l'orologio, e lui: «Ghe pensi mi!» E mi 'speto ancora). Intanto no xe posibile evitar quatro ciacole e, povero mi, el discorso casca sula scuola, con tute le sue magagne e semo tuti .dacordo, compreso l'assessor ala Pubblica Istruzione, un insegnante, e intanto la storia continua senza rimedio. Via Carughi, ariva Colombo a veder se xe nivade le medaie che'l ga vinto; poi Nicu, poi Piroli, poi Gianrossi, poi... ma come i fa a saver che son tornado?! E tuti i xe contenti, e tuti vol saver la rava e la fava, e tuti me vol ben, e mi, se no fazo notalada, proprio come i giornalisti, a 1' Arena no ghe scrivo mai più. Fine del capitolo. «Tempo che manca perché argomenti se pol senpre trovar, cari testa, coda e contenuto». * * * Se fa più fadiga a scriver che a fotografar; adesso poi xe tanti che fa fadiga anche a leger; la stampa de 'sti tempi xe eloquente solo coi pupoli e le foto no xe altro che pupoli. Ve ne mando un poche anche mi e penso che forsi saria meo le bone caricature. Provemo sperar ancora nel futuro quando che podaremo cambiarse i organi con poche lire, se al governo no ghe spuzara de pagarne tropi anni la pension. Intento contenteve dela mia bona volontà. Ghe xe dentro i motivi che me xe capitadi soto ocio fra tuti quei che ga riempido i primi ventinove anni dela mia esistenza: la ,casa, i campanili, i forti, i alberi, le grate, le graie, le ginestre, el mar prima de tuto code sue onde o lisso come l'aio; Stoia, Veruda, Valovi na; le barche, le sigale. Le sigàle no se le vedi, ma iera tute presenti in un concerto infinito che gavevo quasi .dimenticado; ventiun anni xe tanti e tre anni fa,per ,Feragosto, no le cantava più. Go comincia' a sentirle solo dopo passa' el confin.ma a tratti, viaggiando in machina; poi un canto continuo in qualche sosta canicolare ; anche de note, ogni tanto, una tentava de farghe l'accompagnamento ai !grilli;musica in pien per tuti i giorni; a Scoio dei Frati poi ghe iera Bethoven con ,nove nove e nove sinfonie .Me xe restada l'impresion che le sigale sia tute istrian e fedelmente tacade ala teran atia. Forsi le ga cambia' citadinanza e le me ga tutaI 'aria de poliglote" L'importante xe che a mi le me cantavan in italiano. :«Chi se vede ! Varda, varda Chi se vede finalmente!Finalmente in tempo giusto anche ti lo xe rivado per goderte la calura, la "sicura"sula tera, la tua tera con le crepe, con le piere, con la Musa, soto el soil che tuto brusa. Ti credervi, ti credevi... no xe vero; no xe vero?Che fregada, che fregada!Mah, petemo 'na ridada. Ricordarse, ricordarse; proprio tuto? Tante robe saria meo dimenticarse. Pensar solo a la salute. No badarghe ala schifosa dominante ipocrisia, torniam sempre piu .spesso ne la nostra Compagnia. E studiar quela rnaniera de scurtar questa distanza. Qua no xe quel aria nera; ti ga visto:In pochi giorni ti ga za cambiado cera!Poi ghe xe quele altre sigale : noi altri istriani , de questa e de quela parte, che se trovemo a Stoia per quele ciacolade che no finissi mai sula nostra giovineza. Stoia xe il nostro ,convegno istintivo. Se pol sempre ritrovar qualchedun che no se trovar qualchedun che no se ga più visto dopo el '47 e la ,storia della sigàla ricomincia interminabile. A Stoia ghe xe el Nini Braccio di ferro. Nol Sera mai mosso fin dai tempi del vecio stabilimento. El xe come un barometro; ,nol sgara mai sul tempo che farà domani. Bernacca pol andar sconderse!La cusina andava meo con Chirissi. Uno ,de Pala conossi più ben i nostri gusti. E se va ben per fnoi va ben per tuti. Cussi ghe go dito a Smolizza che magari nol xe sempre là, dopo el lavor, solo per pescar, zogar a carte e ciacolar. E ghe go racornandado de portar la vose, dove che'll sa lui, per la prima roba che .se guarda in una casa : i posti de decenza. El ga dito che 'ste robe lui 1e vedi prima e più de mi. La colpa xe de tanti campeggiatori dele pinete. Bisogna proveder perché el sistema Rovignese, un poco passado demoda, xe difficile organizzarlo coi farestieri. In giro per Veruda, sentido che parlavo Italian, me xe vignudo 'rente una «sigala del centro dell'Istria, un vero istrian; l'origine no conta: cossa ti vol stabilir quando che ti pensi che nola campagna de Sanvincenti ghe xe dei Morosini che parla solo croato? El me fa : «Mi son urn s'ciavo!» «Ma lassa parader ghe rispondo quante storie!» No — el continua —noi semo e saremo seimpre'sc'iavi in scasa nostra; cussì soto 1' Austria, cussì. soto Italia .e cussì anche adesso.Comanda sempre quei de fora. Go dito tuto! Adio». Mison resta' isenza parola. Elgiorno dopo, in confidenza,ghe go !domanda' a Smodizza se xe vero. El me ga dito de no. Speremo, per la nostra gente, per 1.'Istriani come 'noi.Se mi podessi, volaria dighe a Tito che' staghi atento a no .sbagliar in Istria come che ga fato l'Italia facista.Go ingrumado 'sto fioreto unico e ve lo go racontado,ma no xe proprio el caso de fantasticarghe sora. no nogo proprio altro da dir, niene de mal. I podaria rinfaciarme el ma1 de questa parte che me toca più direttamente. Merita val la pena xe ,verameate be1 poder tornar in Istria qualche volta, come che la borsa permeti. Go visto Me robe interessanti, novità e cambiamenti positivi. Go visito perfin la ex mia casa vestida de novo e questo me ga fato tanto piazer. Sembra che sia rivado il tempo de meter a posto le fassade per darghe un bell'aspetto alla Città, come una volta e forsi meo. In conclusion me par che per certi punti me trovo d'acordo col Dotor Professor Edi Copoco, anche se Lui no ricorda altri che Quarantotti Gambini, Fonda, Ives Barbier, De Berti, Rismondo, Tomizza, Paladin, Travan, Miani e Neffat, mentre che mi no go niente de meo che Toio Sotte, Mini Lanza, Tullio Rumor e Tullio Paparella, Mario Gabbi, Silvano Biasoni e Feruccio Smoliza. Al più posso tacar Rudy Manzin e, se'l me perdorna, .Gigi Vidris. E chi ga visito el bandolo?! Alora ti sa cossa? - diria Nando Sepa - Demoghe un colpo de : «Viva la togna e abasso el bàndolo!» ALBINO DORLIGUZZO