foto Didascalia: A Monza nel 1935, ai campionati italiani di artistico; io, naturalmente, data la mia età, facevo una esibizione: ecome in primo pian in una rondinela Caro Eme. sensaltro co gavevo quatro-cinque ani te davo del ti; col tuo permesso continuerò così, come se questi cinquanta no fossi passai. Ti te gavarà acorto che me dago de far con le «esse; ma no son convinta; alt!: no xe che penso de gaver ragion mi, assolutamente, solo che mi scrivo come parlo; se me par che sia qualche cosa che no va, ripeto a vose alta come una gnampola, e decido de conseguensa, rimetendome per le coressioni al nostro capo defranceschiano. No sta rabiarte e coregime sempre co ti me legi, come quando ti me insegnavi a patinar e iero una testona, ma devo esser spontanea anche nei sbagli. Ciapo l'ocasion per domandar scusa a turi quei che ghe da fastidio el mio modo de scriver; soporteme. Fine dele dopie esse. Ti sa Emo che noi gavemo sempre dito: l'apalto dal sior Apolonio? Pasiensa, me tocarà cavarghe una A! Quanto a morso fisso me gavaria dovù documentar, ti ga ragion. Ma me piaseva tanto l'idea de un inqranagio che col se inesta nel'altro... lo morsiga! Stop. EI patinagio! Quanti bei ricordi, che bela gioventù e quanta che xe pasada de là. De quando che go l'età dela ragion (?) me go sempre domanda quante volte che i muli e le mule più grandi me gavarà manda in malora, iero sempre fra i piedi. A proposito de piedi, iera sempre qualchedun dei muli grandi disposto a crme sui piedi (con Cuti i patini) per ferme girar e voltar con dei svoli in piena aria, tacai solo per le mani, ala dolse note del valser dei patinatori o del bel Danubio blu; ti te ricordi? Co i ne ga bombardà la casa, mio papà me ga ripesca i mii patini (i ultimi dela serie e i primi compradi, dal momento che gavevo ragiunto el numero giusto dei piedi; dai quanta ani in su, me li gaveva fati sempre Mares) in una voragine provocada de una bomba in corte nostra. Solo che la bomba no iera esplosa... e lui ghe gaveva caminà de sora. Dopo de alora go patina poco; me li portavo sempre drio, anche co son 'ndada sfolada; ma no iera più l'atmosfera del nostro patinagio: una stagion magica dela mia vita, iera finida, fucc! In seguito, qua a Varese go avudo ocasion de insegnarghe a patinar a un po' de mularia, compresa mia fia, ma a parte che qua ghe interessa de più el patinagio sul lasso, go capi che a 'sta malaria de deso ghe interessava più che altro caminar — patinando dandoghe la manina ai vari filarini, e gavendo ragiunto 'sto livelo e qualche altra picia monda, go piantà là! Sporadicamente go avudo ocasion de metermeli altre volte, ma me acorgevo ..che ciapavo tropa confidensa e velocità, e che la clasica vecia «culatada se gavessi podù trama. tar in qualche cosa de più tragico. Soro casa mia xe sempre un 'meio de fioi che se Impara... co vedo ti savessi!, me fa grissoli i pie! Forsi se gavarò nipoti, tanto per far la manavea, me li maturò ancora; dovarò star sai 'tenta però, de no andar... in fesse! Per adesso me limito a ricordar i visi, i modi de far, le prodesse, i risultati che ga da tuta sta gioventù co le rodale (gavemo avù tanti campioni no? una, forsi la più decorada in diverse discipline, la gavevo in casa mi, o no?) Me ricordo i alberi de ciocolatini, che magnadeL co feva caldo e se patinava de sera fin tardi, co i grandi fasseva alenarnento ala imatina presto per le gare e mi drio, ce se 3Ienavino per le corse su strada. e tuta la gente ne guardava passar... forai se davino un po' de arie, le manifestassioni, le gare, i campionati, le esibisioni. Ciò, torneremo a parlar ancora de sti bei ricordi; per adesso con naia testa ancora .rondinele, bob, spacate in Cera e in aria, trotole, croci de Malta, aneli ecc. la cara dolse picia Marisa intenerida del tuo 'ricordo, lassa -l'artistico», torna all'obligatori e dopo questi cerchi, sta boccole... (ghe mando un accidenti a chi che le gaveva inventade) ciogo un baston de okei e giogando sule tavole infilo un gool de finessa in porta! Fis'cio detarbitro. gavemo vinto una partida tra la veciaia e, come se sentimo de dentro, giovani! Ciao Emo. Marisa Carpenetti Rimbaldo