DIARIETTO I dolci di Mino - vignetta

Che malignasa de fame che go avù dopo quel maledeto oto setembre del '43. Ancora adesso dopo quaranta anì me sogno ogni tanto de gaver fame e me dismissio tuta agitada. Mio marì me disi che impignisso sempre el frigo perché me xe restà de quela volta una specie de psicosi. Pol darse! In quel ano mio cugin Mino de Rovigno, apena diplomà ragionier, el iera de leva a Pola, povero fio, nei republichini. I tedeschi glie gaveva dà l'aut-aut: o andar nelle S.S., o nela Wermacht o nei republichini. Che bela scelta! O salta el fosso o rosiga sto osso. El gaveva recapito de noi dove che el vegniva cambiarle, a lavarse e qualche volta anca el dormiva su quel catafalco de sofà libertà che gavevimo in camera de pranso. Su mama, la zia Santa che la stava a Rovigno e la gaveva botega de comestibili, la ghe podeva mandar spesso a casa nostra, con qualche pescador che vegniva a Pola, dei bei scartossì de inagnar. Mia mania cioleva sti scartossi e la ghe li meteva de parte racomandandome de no tocar perché iera roba de Mino. E cussì sta storia dei scartossi de Rovigno ga durà fin nel '45. Sicome a lu in caserma no ghe mancava gnente, su mama ghe mandava solo dolci che la fasseva ela: ora se tratava de grossi ravioi cola marmelada dentro, ora de bussolai, o de pan de Spagna o de crostoli Cuti bianchi de suchero vanigliado che solo a sentir l'odor che i molava in cusina i me fasseva vegnir le mancanse. Pregavo Dio che Mino vignissi presto e che el me ofrissi uno, perché el iera un bon putel e, anche se el iera de Rovigno, nol iera spilorcio. Ma qualche volta no lo vedevimo rivar anca per do giorni e mi giravo intorno al scartosso che parevo una vespa. Un giorno che mia mania no iera, me go fato coragio, go averto un cantonsin del scartosso e go ciolto un bussola. E po' go fato cussì ancora qualche altra volta co mia mama no me vedeva e Mino no vegniva a casa; tanto, su un quindise o venti ravioi, anche se ghe ne mancava uno pensavo che no sa-ria morto nissun. Un giorno del '45 che iera xa finida la guera e iera xa rivai i Inglesi e la fame nera no iera più ma magnavimo solo bisi e fritaia de polvere de ovi, xe rivà el solito pescador con un scartosso più picio ma assai pesante, più ala bona dei altri, in scampon, e ligà con un toco de spago. Mi credevo che iera man-dotato ma noi saveva de bon come i altri. Co lo go averto me xe vegnù un colpo! Ghe iera dentro cadene, cadenine, orologi, medaie, bracialeti, orecini, spile tuto de oro. Iera i ori de mia zia Santa e de mia zia Ema che le ghe gaveva mandà a mia ma-ma de tignirghe Dio guardi che ai drusi no ghe fossi vignuda la vola de sequestrarghe tuto se i gavessi capì che le gaveva deciso de partir in Italia. Co mia mama xe tornada a casa e la ga visto el scartosso la me ga domanda se, come el solito, gavevo sbisigà dentro e coss'che gavevo rubà (cussì la se esprimeva). E mi ghe go risposto che no iera pro-pio gnente de rubar perché iera tuta robassa de oro e no iera dentro gnanca un biscoto. Mia mama ga sconto la roba e, de quela volta ne ga tocà sempre serar la porta co le clave co andavimo fora, roba che prima no fassevimo quasi mai se no stavimo via tante ore. Meno mal che poco dopo mia zia se ga ciolto tuta la su roba e noi se gavemo sentì più legeri e tranquili. Brunetta

Dal numero 2234

del 03/04/1982

pagina 5