MA IERA UN SOGNO Stanote go sognà ti, Zara mia, e go tuta ridesto. Me son vista putela che zogava per le rive e sui muri veneziani me son fermada in Piaza de’ Signori e go scoltà le ciacole de babe che no tase gnanca co’ i dorme. Go strucà l’ocio per la Cale Larga a un mulo che passava e sono rimasta sora el vaporeto - el par un stropaieto - come una sempia, per un’ora intiera, a guardar el tuo mar, che no’l xe el mar de i altri porti. Go zigà adrio de le scoiane e de i morlachi «ingrumè caragoi» e son entrada nella ciesa del vecio San Simon a impizarghe due zeri, perché el faza la grazia de lasarme in ‘sta zità. Ma iera un sogno e quando el xe finio, al sveiarme, go pianto. CANZONETA ANTIGHERA Go desfoiado un fior. per desfoiarte el cor. Quel fior ti ga ciolto da tera, sconvolto, un baso ti ga dà e ti me ga guardà. Da ti son scampada lontan stralunada e gnanca non savevo se ridevo o pianzevo. Go desfoiado un fior per desfoiarme el cor. Or speto ch’el giorno el faza ritorno e me magna el morbin de restarte vizin. Ormai xe deciso che con un sorriso felize dirò sì doman per sempre a ti. Go desfoiado un fior ma te go dado e1 cor. LIANA DE L UCA, poesie in dialeto Zaratin