Didascalia: I Tagliapietra ed i Bacchia con l'inserimento di Livio Sebeglia al convivio dei polesani a Trieste (foto di Giordano Piccoli) Noi, le tre Grazie, come gentilmente ne ga ciamado su l'Arena la cara Gloria (cioè Claudia Nider, Mariella Perrellis, che no la xe mia sorela, e mi) semo rivade a Trieste per el raduno sabato dopopranso. Entrade ala Casa Madre dela nostra gente, ne xe vignudo incontro el mulo Giorgini, valido promotor dei raduni dela ultima mularia de Pola. Finalmente lo go conossudo de persona. El ne ga presentado a Vallini e ala Fulvia Mattioli; con sto cognome me xe tornada in mente la mia cara e brava maestra dele elementari Maria Mattioli, zia de Fulvia. Iera tanta gente, poca quela che conossevo, epur me sentivo in famiglia. El giorno dopo xe sta"ssai emossionante e no stago qua a ripeter tuto quel che riguarda la cerimonia; ga za scrito altri spiegando ben tuto per fil e per segno. Dopo quasi meso secolo go rivisto con tanto piasser la mia capoclasse dele elementari ala Dante Alighieri, Licia Moscheni; la iera con suo mart e con sua mama, una bela signora motto giovanile. Mi e la Licia gavemo ricordado quei cinque anni passadi assieme e i nomi dele mule che iera a scola con noi: Maria Grazia Bendoricchio, Lucia Bonaparte, Alice Braida, Vanda Dennuccio, Egidia Milossi, Bruna Opassich, Fulvia Paliaga, Claudia Persich, Edda Poiani, Maria Alina Quadretti, Maria Rosa Rizzi, Nidia Rossi, Alba Sartori, Dorina Savarese, Nedda Scopini, Gina Sesler, Ornella Spetti, Margherita Tartaglini, Norma Urbani. Liliana Vesnaver, Nerina Voscilla, Giovanna Pletikos e Elisabetta Serena, ospiti presso le suore del S. Cuore, Brovedan, Crismani, Poropat e Zuccheri ma no me ricordo el nome de batesimo. Ierimo in tante per ogni classe in quela volta; me piaseria elencarle tute, ma no credo de rivar a tan-to; credo che fassi sempre piasser esser ricordade; che me perdoni chi che go lassado fora. Son stada tanto contents de riceder e de far do ciacole con le simpatiche cugine Gloria e Livia e con la mama dela Gloria, una signora fine e sempre elegante; con la mia compagna dele medic, Annamaria Colucci (la ga sempre quel pugneto de lentine sparnissade sul viso che ghe sta cussi ben); con Mariella Alessandrini, sempre graziosa come de muleta. Go sercà la Nadia Benci e la Nidia Rossi, ma non son stada bona de trovarle; passiensa, spero net prossimo raduno. Durante la messa in S. Antonio Vecio go notado un'anziana e distinta signora; la caminava posandose a un baston e la sercava fra i banchi un posto per sentarse nela cesa tanto afolada. Mi e la Claudia ghe gavemo fato posto vissin de noi. Ogni tanto butavo l'ocio su quel che doveva esser stado un bel viseto, con lineamenti cussi fini, e in tel sguardo qualcossa de no-bile e fiero. Ala fin la distinta signora ne ga ringrassiado e cussi gavemo savudo che la ga novantadue anni e che suo zio iera stado el primo podestà de Pola italiana. Me dispiasi tanto de non ricordarme piir el nome. Go provado tanta teneressa net sentirla parlay cussi ben, lucida e sicura. E ancora l'ultranovantenne Rude e mio papa, che a 85 anni el xe san de mi, xe altri esempi dela vitality dela razza istriana, forte e longeva come i roveri de l'Istria. Maltratadi e sbatudi dale intenperie, dale bufere de vento, piova e tenpesta, i se storsi, i se piega, ma no i se spaca. Ala Stazion Maritima me ga riconossudo la mia carissima arnica e compagna dele medic Rina Lorenzin. Me la son vista davanti alegra e piena de morbin, con quel suo bet naseto ala Greta Garbo, che tante mulete ghe invidiava; se la gavessi ancora quele due bet, dresse lustre e more podaria che no la xe canbiada nianca un ha. Ne se legeva in viso la sodi sfassion de gaverse ritrova, eletrisade come che ierimo. Quante che ghe ne gavemo conbinade insieme, come quela volta che se gavemo ranpigado sul muro alto tre metri e con in sima el fil spinado de l'acquedoto del Monte Paradiso, per ceder el tramonto del sol sul mar. Guai se i ne becava là dentro, specie suo papa che iera guardia comunal. 'Desso, ai nostri mulch ghe sighemo «ocio qua, ocio là» per paura che i caschi e che i se scussi. Dopo tuti sti ricordi, in conpania dele amiche de una volta, se sentivimo el cor giovane e pien de contentessa; iera sparide tute le tristesse che la vita ne ga fato passar e vardando oltra la riva, là in fondo verso l'orisonte, dopo che el borin de quel giorno gaveva s'ciarido l'aria, se rivava a ceder una strica lunga e scura; là xe la tera dei ricordi de l'età pia bela, quei che rievochemo ogni volta che se ritrovemo. Bruna Messineo Wenzlik