Co’ go leto sul Corriere che i ‘sciavi i ne domanda de risarcirghe i «dani subiti dal Paese durante l’occupazione fascista» me ga ciapà el futter. Cossa iera l’acquedotto istriano che el gaveva seminado tante fontane in tuti i paesi e su tute le strade, in quel model inconfondibile con i resti visibili, fin a ventitrenta ani fà, del simbolo scalpelado? Cossa iera la bonifica de l’Arsa, el potenziamento dele miniere? Cossa iera quei edifici scolastici sparsi per tuti i paesi, costruidi col stesso stampo, qualche volta messi anche a metà...

L’altro giorno iero de passaggio per Vicenza e me son fermà a magnar in un ristorante dove che la specialità xe el bacalà ala vicentina. A Vicenza el bacalà xe un piato tipico e assai rinomà. I lo offri nei più boni ristoranti e go savù che esisti perfin una Confraternita del Bacalà. I soci de questa specie de società i organizza periodicamente cerimonie per celebrar el culto de ‘sto pesse nordico, cerimonie che finissi sempre con grandi magnade de bacalà con polenta e bevude de vin dei Colli Berici. Anche mi go provà el bacalà ala vicentina...