Gente mia, ve ‘spetarè che, parlando de scarsela, mi possa parlar de soldi, invesse qua me toca parlar de ela per qualcossa che ne ga intrigà un fià tuti e che xe ‘na roba sporca anca quela. Tuti infati semo stà pici e, più o meno, mocolosi! Disème voi: quante volte se semo forbidi el naseto con mezi de fortuna? Per gaver sotoman un fassoleto ghe saria volù sempre ‘na scarsela a disposission ma,el più de le volte,no iera cussì. Metèmo de inverno, per strada, magari co’la bora, col naso che colava, el capotin ben streto e. serà e.i guantoni su le man.Magari el. capotin le scarsele le gaveva ma, per rivaar al fassoleto bisognava cavarse el guantin da lamanina giassada e, intanto, el candeloto se slongava! A tirar sù col naso se ris’ciava ‘na”nasada dei genitori, parchè farlo iera maleducassion. Alora iera Issai più facile ‘na passadina a la svelta col dito soto el naso e pasiensa se dopo, sul guantin, che magari iera de camossio felpà, sembrava che ghe fussi passà ‘na lumaca, per dopo.’ pena suto, slusigar come se el gavessi i lustrini. In casa, mama, che iera ‘na dona pratica, la me tacava scarsele anca su i vestitini eleganti, sensa ‘scoltar le mie proteste, ma sò de ‘na putela che me ga confessà che el naseto la se lo sufiava in tel orlo de la sotoveste. Altri fioi gaveva altre “specialisassioni.” Mi no go fato l’asilo ma ‘sta stessa putela la me ga anca contà de gaver visto che la, ai fioi i ghe puntava el fassoleto a 1a traverseta con un ago de sicuressa. Me imagino tuti ‘sti fiolussi che, a un certomomento, i doveva sembrar pronti a esser impostadi, con quel francobolo tacà de sora anca co’ la cola. Comunque, in mancansa de scarsela, una solussion iera quela de infilar el fassoleto drento la maniga; se questa iera de lana el tuto guantava, ma se la iera de stofa el fassoleto sbrissava fora sensa acorgerse e dopo ti trovavi ‘sto pincherle stomigoso in tei cantoni più inpensadi. ‘Desso ghe xe i fassoleti de carta: una sufiada e ti li buti! Ma la scarsela ghe vol senpre, se no altro per gaver sotoman la riserva. Co’l’influensa de ‘sto inverno, sensa quel giacon de lana, bel abondante e co’ do bei scarseloni pieni batudi de fassoleti per el continuo ricambio, no sò come che gaveria fato! In ultima però son tornà ai fossoletoni de stofa, salvo a meterli drioman in lissia, parchè quei de carta me gaveva dà iritassion al naso. Gente mia me vergogno per ‘sto argomento e ve domando scusa ma xe tuta colpa de la Valentina che, ogni volta che se telefonemo, la me stussiga e no la me da pase per farme scriver quanto sopra!! Contenta ‘desso? E.G