Didascalia: Mario Mari a Valcane, quando Io stabilimento era ancora lontana dall'Insidia del piccone demolitore Stando de casa ale «Barache», mi frequentavo la scuola elementare «A. Manzoni» e al dopopranzo, come altre mulete barachere, andavo a imparar ricamo date suore del'asilo infantile che se trovava rente la Ciesa dela Marina. Verso sera (ancora sul presto) prima de tornar a casa. la nostra suora la ne invitava — ogni tanto — ala funsion serale per cantar in coro, acompagnade dal'organo; e alora iera sempre la mula più malegnaza che la ne istigava con insistensa: «Ve racomando... al mio segnai, stonemo! E guai a chi che fa la spiali, Mi, francamente, no gavevo propio el coragio de stonar (trovavo apena, apena quel de cantar — perché no iero per gnente sicura dela mia vuse — figuremose se me ris'ciavo de stonar!) ma le altre mulete le stonava con gran gusto e con arte veramente soprafina e la suora, povereta, che la doveva continuar a sonar l'organo, la se voltava tuta spasimada e la domandava severa, sotovose: Chi è stata? e, guardando con sospeto la mula malegnaza: Sei stata tu, B..., vero! la sussurava apena, fulminandone tute, però, con un sguardo de grave rimprovero. Ma nissuna de noi fiatava. Solo la muleta in questiona la azardava, sfaciatamente a volt alta: Mi no, suor...! No son stada mi!» e la insisteva, aposta, su questo tono, spaventando ancora de più la povera suora, che la continuava, tuta confusa, a sonar l'organo, infervorandole ben presto (ingenuamente speransosa, ahimè) nela musica sacra fin che, al novo segnai dela solita teribile» muleta, le stonadure ricominciava (un poco più indecise, (orsi, perché se rendevimo tute conto, ala fine, dela vigliacada che combinavimo). Mi provavo una certa pena per la suorina, ma, a 11 ani, no gavevo sicuro la maturità per Targhe la morale ala mula malegnaza che, gavendo più o meno 11 ani anche ela e un certo caraterin assai vivace e dispetoso. no la gaveria, de sicuro, ciolto su un bel gnente; e per giunta la iera propio mia amica, la stava nel quartier sora del nostro e ierimo sempre insieme. Drio de aia andavo anche, certe volte. da «Don Nebiolo La sonava el campane' del suo portonsin e la ghe domandava, con una certa facia tosta, se el gaveva taramele de darghe. Don Nebiolo ne fasseva qualche paterna caressa sula testa, el cominciava — con aria stranamente tra el severo e el schersoso — a farne qualche domanda de storia o de geografia (che noi cercavimo in Cuti i modi de sorvolar, perché no savevimo mai risponder gnente) e infine el se tirava fora dela starsela al solito pacheto de mentine bianche fel gaveva sempre solo mentine bianche) che el ne consegnava benevolmente e anche con grande passiensa (perché, evidentemente. el se le gaveva comprade per lui) e, racomandandone de studiar de più, el se liberava, finalmente. de noi. Andando via, se per combinassion incontravimo sule scale la perpetua (una povera sanata) la mia amica «malegnaza. no la fasseva de meno de dirghe, con giri perfidi de parole, che «Don Nebiolo iera inamorado de ela.: ma la povera «perpetua la iera tanto sempliciota e bon« che, per solito, no la cioleva subito su la cativeria e, se-mai, la se scomponeva apena; qualche volta, però, perdendo la passiensa anche ela, la ne sigava drio de tuta, intanto che noi, impauride per l'insolita reassion (almeno mi!) scampavimo via, corendo come mate. Tornando a casa dal'asilo (per solito verso le 5,30 del dopopranso, ora del ritorno dal lavoro anche dele tabachine barachere. che le rincasava, qualche volta, a piedi lungo el «Stradon de soro — la continuassion del viale V Novembre —) la mia amica «malegnaza la se scondeva (e mi, naturalmente, con ela) drio ale scalate che iera davanti al'entrata principale dela «Ciesa dela Marina» e de là, apena che passava una tabachina, la cominciava a ciamar, con uose lamentosa: «Ma-ma, mama! Aiuto... aiuto! Alora la povera dona, tuta spaventada, la se girava de stato, la se fermano ansiosa e la se guardava intorno, perplessa. senso veder nissun... e iera in quel preciso momento che la malegnaza la incominciava a butarghe sassolini, uno drio l'altro; la tabachina, alora, dopo el primo sbalordimento, cambiando improvisamente espression, la tacava a sigar, piena de rabia e. con grande energia, la se ciapava su e, con sdegno, la andava drita via; continuando sempre, però, a imprecar contro la mularia disgrassiada e maleducada. A questi ricordi penso, giustamente credo, che anche a Pola no iera sempre tuto «rose e fiori; ma rientra abastansa nela normalità de .personagi e fati deradolescensa» e me consolo, pensando che la vita ga sempre in serbo, per tufi noi, pur-tropo (domando scusa per el termine che segui) «fregatura» ben più grandi e rovinose. E alora no me resta altro che concluder con un saluto afetuoso a tuta l'ex mularia polesana, più o meno vivace, dispetosa e — come che diseva mia nona Rosa, quando che la se rabiava — discalsa. Giuliana