Didascalia: co’ieropicia sonavo el piano Gente mia, ma chi mai ga- verìa dito che un giorno le scovasse le saria fini- de in prima pagina dei giornai? Bon, quel giorno xe ‘rivà e no solo Napoli ma tuta la Campania xe diventà una scovassera co’la gente che se pesta: tra quei che vol portar la «mondezza» in altre parti e quei altri che no la vol più parchè i xe pieni fin sora i oci za de prima! No i vol gnanca conpatatori, gassifiacatori e termovalorisatori parchè xe tuta roba che spussolentisse l’aria che se respira e porta malatie! Tuto questo poderia capitar anca quà a Roma dove, in periferia, ghe xe za posti dove le scovasse che fasseva mucio le vien sparnissade co’la ruspa e pò coverte con un fià de tera. Semo propio ben messi se, per purificar l’aria de un bosco, ghe vol la rumorosa spusseta de un scoiatolo scoreson reclamisada nel spot publicitario come «un’esplosione di aria pura che fa tutti felici»... chi se contenta ... godi! Comunque quela dele scovasse xe ‘na question che se strassina de ani e ‘desso, con ‘sto governo, la se missia a la perfession, anca se no xe più el caso de ciaparsela so- to el scaio. Ma come mai in Germania le nostre scovasse le diventa richessa? E, in alta Italia, ghe xe Comuni che, anca lori, la fa frutar per el ben de tuti? Insoma, ghe xe qualcossa che no quadra per gnente. El colmo xe che la parola «mondezza» la vol dir el contrario de sporchessa e cioè «purezza», «pulizia»; «mondezzaio» invesse vol dìr: ‘na massa de scovasse, o un mucio de rifiuti! I estremi che se to- ca! I rifiuti? Parchè ghe ne xe cussi tanti? La gente ai supermercati la se inpinisse el carel con tanta de quela roba che pò no se riesse a consumar, con i contenitori de plastica, aluminio, carton e tetrapack, che va a finir in tele scovasse. Ai tenpi nostri no iera cussì; la magnativa inpachetada con relativi conservanti no esisteva: al mercato o in boteghin se conprava a peso quel che serviva volta per volta e messo in tun scartosso involtissado a man con sveltessa e maestria dale venderigole o dai botegheri! Le nostre mame iera risparmiose: no se butava via i eventuali avansi del pranso parchè saria sta un’ofesa a la Divina Providensa, i vigniva ri cicladi de sera o trasformadi el giorno dopo in un piato diferente ma senpre bon! Le nostre mame le gaveva fantasia: le saveva cusinar e render apetibile anca quel poco che gavevimo in tenpo de guera. ‘Desso, tra i rifiuti finissi anca i frigoriferi, i fruladori e tanti altri aparechi eletrici che costa più a ripararli che a cior novi e cussì, descondon, eco altre scovasse. Quando noi ierimo fioi i frigoriferi in casa no esisteva, al massimo iera le iassere che, con drento un toco de giasso le tigni- va in fresco la roba per quel poco che bastava. Le nostre scovasse no le gaveria mai fato nasser quel desio che fa quele de ogi! Me ricordo che in cusina ghe iera ‘na casseta de legno, piturada in celeste come i mobili e drento fodrada de aluminio, conpreso el covercio, e là fi- niva le scovasse che pò se portava zo, davanti casa, dove el scovas- sin le svodava in tel suo caro fato a casson. No me go mai domandà he fine che le fasseva; forsi, es- sendo in gran parte biodegradabili, le andava a ingrassar i porchi! Comunque a Pola no se ga mai sentì de problemi ligadi a le scovasse. Me ricordo anca che el scovassin gaveva indosso ‘na flaida de terliss, quela tela praticamente indistrutibile che ‘desso se ciama «gins» e che ga influensà la moda de omini e done de tute le età e condission sociali, specialmente come braghe che andava portade a sbrendoli e magari con qualche sbregon. Ultimamente le go viste a vita bassa, tanto de mostrar el bugnigolo per le done e el principio de le mudande per i omini. Ani fa anca mi gavevo conprà un bel tailleur de jeans ma lo gavevo personalisà con aplicassioni blu e rosa fate co’l sbieghin. Ma varda ti! Come mai, parlando de scovasse son finida in te la moda? PS - Anca el «bullismo» in ‘tele scole xe «scovasse» e de la pezo spece. Dove xe finidi i tenpi che anca a casa se studiava, magari el piano... soto i oci de la mama? E.G.