L’Ammiraglio Guglielmo Belli & stato una delle penne più taglienti ed esilaranti fra i tanti redattori che per oltre sessant’anni hanno collaborato con “L’Arena di Pola”. Se si fosse occupato di politica sarebbe stato un elzevirista pungente e spietato. Nei suoi articoli spesso si notano tre passaggi riccorrenti quando fa riferimento: a suo nipote Gabriele... con tenerezza; alla sua salute... (riferita agli acciacchi che una persona anziana subisce con l’avanzare degli anni) con ironia; infine al fascino delle donne... con nostalgico rimpianto. Lo spirito di GiBi, come lo chiamavano i suoi dodici lettori, & effervescente, la sua scrittura & senza veli e senza peli sulla lingua. La redazione & orgogliosa di riproporre, nella rubrica « Sbisigando in archivio>>, un pezzo satirico del 2003 firmato dal nostro simpatico personaggio, mattatore indiscusso dell ’“Arena” che fu. Piero Tarticchio Donna, dame, Frau, muher, woman... ciamela come che vol&, ma vardela ben, ecola là, perno del mondo, crose e delissia de noi mas’ci. Oltra a quele che gavemo fra i pìe, a casa o vissin, pens& ai giornai, ale riviste, ala TV che i ne la presenta, vestida, nuda, cussì cussì, in tute le salse. Xe in voga, ogi, una specie de sfrutamento (no sarìa la parola adata, ma la servi per dar un’idea) de l’imagine. Presempio per la reclam: el dentifricio fa meo el suo servissio se el xe presentado de una bela boca, in un bel viso, su un corpo in bikini per completar l’opera, e cussì per vender automobili, gelati, collant, e ogni altra roba, ma sempre col dadrio al vento. In general, no xe che a la dona ghe dispiasi scoversese, vardele co’ le braghesse a vita bassa, bassissima, e le maie curte a più no posso per lassar el bugnigolo ben in mostra! E sta roba fa vignir inamente el proverbio udinese: «dote del Friul, pansa, tete e cul!>>. Scuseme, amiche e amici, ma no xe facile tratar argomenti come sto quà, sensa qualche inevitabile ciaro riferimento. Per no parlar dele VIP che le te sbati sul muso quel che le ga, come se sarìa monopolio de lore. E i calendari (bori come aqua) e le pose e tuto quel che - anca voi mii cari dodise letori - pod& veder ogni giorno. L’oferta no xe mai stada cussì forte. Ma i omini, cossa pensa, cossa i dixi i omini co’ i varda la TV, o i cuca qualche rivista, i omini cossa i vol, cossa ghe piasi? Go leto de qualche parte che dei studiosi de l’Università de Milan Bicocca ga fato una specie de statistica, domandando, vardando, studiando, e i ga palesado un novo modo - da parte de l’omo - de apressar le belesse feminili. Una volta - disi lori - l’interesse iera per el seno - principalmente - per chi ga qualche dubio. Ma ’des-so no. I ga trovado che el 62 per cento preferissi el «fondoschiena>>. El rimanente 38 per cento, digo mi, xe fato de bugiardi, a parte qualche mosca bianca che sinceramente ghe piasi le mule da la cintura in suso. Ma no ’ste creder che ’sta materia sia solo de la gente latina, ’taliani in testa: una rivista inglese, de grande tiratura, ga ciamà el 2003 «The year of the rear>>! Chi che no capissi ghe domandi a qulche mulo o mula che va a scola. No xe dificile. ‘Sti discorsi podessi portarne ‘sai lontan, ma me piasi concluder a modo mio. Sensa ipocrisie, per darghe a l’elemento in discussion el giusto spassio, volessi propio veder el vi-so de chi che preferissi i musi de Rutelli, Prodi o Bossi ai glutei de la romanista Sabrina Ferilli... Canbiando discorso, qua in Toscana, andò che vivo mi, in te le ultime setimane de estate e le prime de autuno, se sveia la stagion de le sagre, come in nissun altro logo al mondo. Le più strane, e più magnadore che no ve conto e no ve digo. Natural, tuto per star alegri, dismentigar un fiatin le rogne de la vita e le stranenesse de l’Euro e... fraiar a più non posso. Cità, citadine, paesi, paesini, parochie e santuari, tuti se dà de far, anche parch& fruta schei... ciaro? E alora soto: la sagra del carciofo, quela de le sariese, de l’anguria, del’ua (ua de le più bele) dei fighi co’ la jossa, del pegorin toscano, del persuto e melon, de la luganiga a la grilia, dei «bomboloni>>, una spece de krapfen, ma più grossi e no svodi drento. Ma quel che me ga divertido de mati, propio fato de chi che no sa più cossa inventar, xe stà la sagra «de le pene al sugo>>! Per no parlar de quela dei «fasoi a l’uceleto>>! Tuto per la pansa, e la gente cori come mata. ’Ste sagre le xe piene che no gavé idea. Mi, tanto tempo fa che me par secoli, go partecipado a qualche d’una, qua in te la nostra Parochia, che el Prete, persona estremamente pratica, per ben e disponibile, xe un vero amico, anche al de fora de la Religion. Quel che no manca mai de andar xe Gabriele (mio nevodo) co’ la sua banda de amicheti e amichete. I se incocona come mati, oltra a far gheto, motivo principal per andar a far desìo. Penso: e se andassi anche mi? Luganighe no, perch& le xe tropo grasse; sagra de la mortadela no, perch& gnente afetati. Gnente vin, e gnente bira! Andarìa ben l’aqua mineral, ma no quela co’ le bole, che impinissi de aria el stomigo, quela natural, magnifica per lavarse e farse la barba! Pasiensa, tiremo ’vanti ancora per ’sti venti o trenta ani che ne resta de viver, poi vardaremo! Sté sàni!